Laxa confit með tómat, hvítlauk og sítrónu

Fyrir 4

Laxa Confit 

800 gr Roð og beinlaus lax

Extra Virgin ólífu olía til að þekja

Salt og pipar

Aðferð:

Setjið olíuna í djúpa pönnu eða pott og hitið en olían á ekki að fara mikið yfir 100°c. Skerið laxinn í skammta stærðir. Olían á að ná alveg í toppinn á laxinum þegar hann er kominn ofan í. Látið eldast í c.a. 10-15 mínútur, fer eftir því hvað olían er heit og bitarnir stórir. Kryddið með salti og pipar.

T.H.S sósa

1 stk Sítróna

4 stk Tómatar

8 stk Hvítlauksgeirar

4 stk Shallotlaukar

1/2 tsk Kóríander duft

350 ml Extra Virgin Ólífu olía

Salt og pipar úr kvörn

Aðferð:

Skerið börkinn utan af sítrónuni og passið að ekkert hvítt sé eftir. Skerið svo sítrónuna smátt niður og passið að engir steinar séu með.

Skerið tómatana í fernt og skerið kjötið frá og skerið síðan í ræmur. Passið að kjarninn fari ekki með. Afhýðið shallot laukinn og skerið í sneiðar. Afhýðið hvítlaukinn og skerið smátt. Setjið allt í pott og setjið restina af hráefninu út í. Setjið á hellu, fáið suðuna upp og látið malla í c.a. 10 mínútur.

Sælkera sveppir

Sælkerasveppir er ný tegund af íslenskum sveppum  sem eru að koma á markað. Þeir er stórir og matmiklir og feikna góðir.

2 stk sælkerasveppir

1 stk Shallot laukur

4 greinar timían

50 gr smjör

Salt og pipar

Aðferð:

Skerið sveppina í þunnar sneiðar. Skerið laukinn í sneiðar. Hitið pönnu og setjið smjörið út á, síðan sveppina, laukinn og timíanið steikið vel og kryddið til með salti og pipar.